TILU KAJADIAN PENTING DI BULAN ROBI'UL AWAL
الْحَمْدُ
لِلَّهِ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ
عَلَى الدِّينِ كُلِّهِ وَلَوْ كَرِهَ الْمُشْرِكُونَ
أَشْهَدُ أنْ لا إلَهَ إلا اللهُ وَحْدَهُ لا شَرِيكَ
لَهُ، وأشهدُ أنَّ مُحَمَّدًا عبْدُه ورَسُولُه
اَللَّهُمَّ صَلِّى وَسَلِّمْ وَبَارِكْ عَلَى
نَبِيِّنَا مُحَمَّدٍ وَ عَلَى اَلِهِ وَأَصْحَابِهِ وَمَنْ تَبِعَهُ بِأَحْسَانٍ
إِلَى يَوْمِ الدِّيْن
يَاأَيُّهَا النَّاسُ اتَّقُوا رَبَّكُمُ الَّذِي
خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا
رِجَالا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ
وَالأرْحَامَ إِنَّ اللَّهَ كَانَ عَلَيْكُمْ رَقِيبًا
لَقَدْ
كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ
وَالْيَوْمَ الْآَخِرَ وَذَكَرَ اللَّهَ كَثِيرًا
Jama’ah Jum’at rahimakumullah,
Saba’da manjantkeun puji syukur ka Allah Robbul Ghofur, shalawat sarta
salam ka jungjunan agung, te hilap khatib umajak hayu urang sami-sami istiqomah
dina ningkatkeun kaimanan sareng kataqwaan urang ka Allah ﷻ, taqwa anu ngajadikeun
urang cinta ka Rasulullah. Sabab ngalangkungan mantena urang apal naon hal anu
diparentahkeun ku Allah jeung nu dicegah-Na.
Ayena urang aya dina bulan Robi’ul Awal, bulan Maulid. Bulan dilahirkeunana
Rasulullah Muhammad ﷺ. Nanging langkung ti eta, aya sababaraha peristiwa
penting anu terjadi dina bulan ieu. Tilu diantawisna nyaeta dina bulan Robiul
Awal ieu dilahirkeunana Rasulullah, hijrahna ka Madinah sarta wafatna
Rasulullah ﷺ.
Robiul Awal ilaharna disebut bulan maulid. lantaran lahirna Rasulullah ﷺ numutkeun jumhur ulama tepatna dina dinten Senen kaping 12 Robi’ul Awal
taun Gajah sakumaha disebutkeun ku Ibnu Katsir Rahimahullah dina Sirah
Nabawiyah.
Ibnu Abbas radhiyallahu ‘anhu ngariwayatkeun yen: “Nabi ﷺ dilahirkeun dina dinten Senen, diangkat janten Nabi dina dinten Senen,
wafatna dinten Senen, kaluar hijrah ti Makkah ke Madinah dina dinten Senen, sumping
di Madinah dina dinten Senen jeung ngangkat hajar aswad (pikeun disimpen dina
tempatna) oge dina dinten Senen.” (HR.
Ahmad sareng Thabrani dina Al-Kabir)
Kaajaiban saat kalahiran Rasulullah anu sumberna tina hadits shahih, saur
Syaikh Mahmud Al Mishri yen ibunda nabi ninggal cahaya kaluar tur nyaangan istana-istana
Romawi di negeri Syam mangsa Rasulullah dilahirkeun.
Rasulullah ﷺ ngadawuh: “Kami mangrupa do’a bapa kami Nabi
Ibrahim, kabar gumbira Nabi Isa jeung indung kami ninggal cahaya kaluar nyaangan
istana-istana di Syam” (HR. Ahmad jeung Hakim)
Ibnu Rajab rahimahullah ngadugieun
perkara hadits ieu, “Kaluarna cahaya mangsa lahirna Rasulullah ﷺ mangrupa hiji ciri tina naon nu bakal datang. Yakni cahaya anu ngajadikeun
pituduh ku penduduk bumi jeung leungitna syirik ti muka bumi.”
Jama’ah Jum’at rahimakumullah,
Bulan Robiul Awal oge mangrupi bulan hijrahna Rosulullah ﷺ ka Madinah. Saba’da turun perintah Allah, Rosulullah sareng para
sahabat angkat hijrah ka Madinah,
Ibnu Katsir rohimahullah ngajelaskeun yen Rosulullah sumping di Madinah
tepat dina dinten Senen kaping
12 Robiul Awal.
Jama’ah Jum’at rahimakumullah,
Bulan Robiul Awal oge mangrupa bulan wafatna Rasulullah ﷺ. Pof. Dr. Ali Muhammad Ash Shalabi dina bukuna Sirah Nabawiyah ngajelaskeun
yen Rasulullah wafat dina dinten Senen
ping 12 Robiul Awal taun 11 Hijriyah dina yuswa 63 tahun.
Nalika anjeuna bade pupus, anu paling diemutan ku anjeuna nyaeta
ummatna. Maka anu kaluar tina lisan anjeuna nyaeta “ummati.. ummati… ummati..” Mantena
melang ka umatna. Umat anu salami ieu dibela jeung diperjuangkeun. Umat anu salami
ieu dibina. Umat anu salami ieu dipikanyaah.
Jama’ah Jum’at rahimakumullah,
Rasulullah ﷺ nyaaheun pisan ka jalma-jalma mukmin. Makana
mantena nyimpan do’a pamungkas anu mangrupa syafaat engke jaga di akhirat. Nalika
jalma-jalma kapanasan, kahausan jeung kasieun di padang mahsyar, Rasulullah bakal
manggil umatna pikeun dipaparin ngaleueut di telaga kautsar. Maka jalma-jalma anu
tos ngaleueut cai ti telaga eta moal hanaang salalamina. Jeung nalika
jalma-jalma singkuriling milari syafaat ka para nabi, maka mung mantena wungkul
nu maparin syafaat ka ummatna.
Jama’ah Jum’at rahimakumullah,
Mun ninggal kana ageungna rasa cinta Rasulullah ka urang salaku ummatna,
ayena sakumaha rasa cinta urang ka anjeuna? Kukituna di bulan Robiul Awal ini, hayu
urang seueurkeun tafakur jeung muhasabah.
Tos sabaraha seueur urang ngaoskeun sholawat ka anjeuna? Sabab salah
sahiji ciri cinta nyaeta seueur nyebut name kakasihna, Jeung pangalus-alusna
nyebut nami Rasulullah ku maos shalawat ka mantena.
Hiji shalawat bakal diganjar ku sapuluh kahadean, dihapus sepuluh dosa jeung
diangkat sepuluh derajat. Sing saha jalma anu loba shalawatna, maka anjeuna
jadi jalma nu paling seueur kenging syafaat Rasulullah di akhirat jaga.
Sakumaha duhannana:
أَوْلَى
النَّاسِ بِى يَوْمَ الْقِيَامَةِ أَكْثَرُهُمْ عَلَىَّ صَلاَةً
“Jalma anu paling berhak kenging syafa’at kami di poe kiamat nyaeta
jalama anu paling seueur sholawat ka kami” (HR.
Tirmidzi)
Jama’ah Jum’at rahimakumullah,
Mudah-mudahan
urang sadayana kalebet jalmi-jalmi anu istiqamah nyeueurkeun shalawat sarta
ngajalankeun Sunnah Rasulullah ﷺ anu mangrupi hiji bukti cinta urang ka
mantena. Jeung urang sadayana kenging cinta tur syafaat jaga di yaumil akhir. amiin ya Rabbal ‘alamin.
بَارَكَ اللهُ لِيْ وَلَكُمْ فِى الْقُرْاَنِ الْعَظِيْمِ وَنَفَعَنَا وَاِيَّاكُمْ بِالْاَيَاتِ وَالذِّكْرِ الْحَكِيْمِ فَاسْتَغْفِرُوْا رَبَّكُمْ اِنَّهُ هُوَ الْغَفُوْرُ الرَّحِيْمُ
Bagi yang membutuhkan filenya, silahkan ikuti tautan berikut => download
Semoga bermanfaat
No comments:
Post a Comment